देणार्याने देत जावे
घेणार्याने घेत जावे.
हिरव्यापिवळ्या माळावरुन
हिरवीपिवळी शाल घ्यावी,
सह्याद्रीच्या कड्याकडून
छातीसाठी ढाल घ्यावी.
वेड्यापिशा ढगाकडून
वेडेपिसे आकार घ्यावे;
रक्तामधल्या प्रश्नांसाठी
पृथ्वीकडून होकार घ्यावे.
उसळलेल्या दर्याकडून
पिसाळलेली आयाळ घ्यावी;
भरलेल्याश्या भीमेकडून
तुकोबाची माळ घ्यावी.
देणार्याने देत जावे;
घेणार्याने घेत जावे
घेता घेता एक दिवस
घेता घेता एक दिवस
देणार्याचे हात घ्यावे .
कोणत्याही टिप्पण्या नाहीत:
टिप्पणी पोस्ट करा